التخطي إلى المحتوى الرئيسي

طريقة تحضير شوربة كريمة المشروم اكلات جديده بالخطوات

 طريقة طهى شوربة الكريمة بالمشروم

طريقة عمل وصفة شوربة كريمة المشروم
السلام عليكم ورحمة الله وبركاتة
اسمحولى اليوم اقدم ليكم طبق جديد شوربة المشروم بالكريمة تعتبر الشوربة من أهم الأطباق التي تقدميها على مائدة طعامك، بشكل يومي، ولتنويع الأطباق، وعدم تكرار الأصناف نقدم لكي اليوم طريقة عمل شوربة الكريمة بالمشروم
المقادير: شوربة كريمة المشروم
بصلة متوسطة متقطعة و مش مبشورة
فص توم مهروس واحد بس
علبة مشروم صغيرة او نص علبة كبيرة
2 مكعب مرقة دجاج او شوربة اللى عندها
ملح و فلفل اسود
معلقة و نصف دقيق ابيض
كريمة لبانى او كريمة طبخ انا عن نفسى بستخدم الكريمة اللبانى 
معلقتين سمنة 

تصنيف طبق شورب كريمة المشروم : طريقة عمل جميع الشوربات والحساء ، اكلات جديده ، اكلات متنوعة من كل بلاد
طريقة تحضير شوربة الكريمة بالمشروم
 هتحطى معلقتين سمنة فى حلة تيفال ع النار و يا ريت حلة مش طاسة
و هتحطى البصل المقطع و التوم و تشوحيه بسيط اوى لغاية ما يدبل بس
بعدين هتضيفى المشروم المقطع و تقلبى لمدة دقيقتين
ضيفى الدقيق و طبعا هتلاقيه ابتدى يعمل كتلة
فتضيفى بقى الشوربة او مرقة الدجاج و المية السخنة على طووول
و تقلبى كويس جدا جدا
و بعدين توطى النار و تسيبى المزيج يغلى لغاية ما المكونات تستوى
اطفى بقى النار و سيبى المزيج يبرد خالص
بعدين فضى الخليط دة بقى فى الخلاط و اضربيه
رجعى الخليط تانى للحلة و ولعى النار عليه و قلبى و ممكن يحتاج شوية شوربة كمان لانة ممكن يطلع تقيل منك
ضيفى الملح و الفلفل و لما يبتدى يغلى ضيفى الكريمة تاخد غلوتين و اطفى


و بالهنا شوربة كريمة المشروم مطبخ حوريات

 

تعليقات