التخطي إلى المحتوى الرئيسي

طريقة اكلات دايت للرجيم سريعة التحضير وقليلة السعرات






 طريقة اكلات دايت للرجيم سهلة وسريعة التحضير


اكلات دايت  للتخسيس سهلة وسريعة والطعم لذيذ


السلام عليكم ورحمه الله وبركاته اليوم هاقدام ليكم اكلات لذيذه وشهيه وفي نفس الوقت لاتحتوى علي سعرات حراريه عاليه لكى يتمكنون من فقدان اوزانهم ولكن بدون حرمان من الاطباق اللذيذه والشهيه مع اكلات الدايت و المذاق اللذيذ الموجود في الاكلات العاديه 
اكلات دايت سهله جداً وطعمها يجنن
ومن مميزات هذه الاكلات انها لذيذه جداً وغير مكلفه وتحتوى علي سعرات حراريه قليله جدا وبالتالي لادعي للحرمان بعد اليوم وتتميز اكلات الدايت انها غير مكلفه وطرقه تحضيرها غايه في السهوله
اكلات رجيم للفطار
1- البيض بالفلفل:
في طاسة تيفال وتقطعي الفلفل قطع صغيره او لو طاسة عادية حطي ملعقة صغيره جدا زيت زيتون وقلبي الفلفل لحد ما يدبل خالص وحطي معاه ملح وفلفل وخضرة متقطعه وعليها البيض هتطلع قرص جميل جدا وممكن تحطي على الوش زيتون حلقات او طماطم حلقات وبالهنا والشفا

2- سلطة الجبنة المتبله

بتجيبي بصلة وتبشريها او تفرميها وعليه فص ثوم وملح وفلفل وكمون حسب الرغبة وتعصري عليها ليمون ونقطتين خل وقلبي التتبيله كويس واهرسي الجبنه فيها او قطعيها مكعبات وتجيبي اوراق جرجير تغمسيها في التتبيله وتزيني بيها الوش ولو عندك بقدونش ورشة نعناع مطحون بيدي طعم تحفه جدا السلطه دي مع كوبايه شاي مش هتحتاجي تاكلي حاجه لاخر اليوم

3- سلطة البيض المسلوق
تسلقي البيض وتقطعيها مكعبات البياض لوحده والصفار لوحده وتجيبي علبة زبادي وتضربيها بالمعلقه وتحطي عليها ملح وفلفل وثوم مطحون او مفروم وملعقة صغيره اوي طحينه او بدون وترشي الصلصه دي على وش البيض وتزيني باوراق البقدونش والنعناع وقطع الطماطم
4- سندويتشات الخس المتبله
الوصفه دي كنت مستغرباها بس لقيتها فطار هايل وطعمها تحفه جدا عشان لو مستعجله تاكلي اي حاجه الصبح وتنفع تاخديها معاكي في علبه
انا بجيب بصلة صغيره وكام فص ثوم وافرمهم مع بعض واعصر عليهم ليمونه وخل وملح وفلفل وافركهم اوي واجيب اوراق الخس اغسلها كويس واغمسها في التتبيله دي لحد ما اغير هدومي الصبح وبعد كده اطلعها واحط جواها جبنه اي نوع والفها زي المحشي كده واحط جواها ساعات بقدونس او نعناع بتطلع تحفة بجد وباخدها معايا في علبه كل ما اجوع الاكلات السابقه تفنع لفطار والعشاء
الاكلات دايت  للغداء
1- البطاطس المتبله
بقطع البطاطس شرائح سميكه واحطها في ميه وملح عشان تتطرى شويه واجيب بصلة وكام فص ثوم واهرسهم وعليهم فص ليمونه وملح وفلفل وخل وبقدونس وشبت مفروم واغمس شرائح البطاطس فيهم نص ساعه وبعدين اشيلهم وهم فيهم التتبيله وارصهم في صينية وارش عليهم شوية ميه وادخلهم الفرن نص ساعه بتطلع روعه بجد 

وصفات اكلات الدايت : اكلات لرجيم لذيذه ، طريقة اكلات جديده
2- سلطة التونه
بجيب علبة تونه واصفيها من الزيت واغسلها بالميه والخل واجيب طاسة واحط فيها معلقة زيت زيتون صغيره او طاسة تيفال واجيب شرائح الفلفل الاخضر واحمره لحد ما يدبل ولونه يبهت واعصر عليه ليمونه وخل واحط شوية ثوم بودره او بلاش لو مش عايزه واحط علبة التونه واسيبها لحد ما ريحتها تطلع والتونه نفسها تدبل برضه شويه بحط معاها خضره شبت وبقدونس مفروم واسيبها شويه اقدمها في طبق فرشته باوراق الخس وممكن احط عليها علبة زبادي عليها ثوم وملح وفلفل بتبقى تحفه جدا

3- صينية الخضار في الفرن
بجيب حله واحط فيها بصل مفروم وثوم وملح وفلفل وبهارات وخضره مفرومه وشوية ميه صغيرين واسيبهم يتبلوا بعض والبصل يدبل وبعدين احط معلقتين صلصه واسيبهم يغلوا شويه وبعدين اجيب صينية وارص فيها الخضار جزر وبسله وفاصوليا وبطاطس وكوسه وباذنجان وبصل وطماطم وارش عليهم الصلصه اللي عملتها دي واغطيها بورق فويل وادخلها الفرن نص ساعه او ثلث ساعه حسب حرارة الفرن

4- الاكلات في الفرن بدون زيت (اكلات سريعه)
الوصفه دي شامله الفراخ والسوسيس والفراخ الفيليه والسمك الفيليه وحتى الهمبورجر واي لحوم تحبيها تاخديها وتحطي ميه تغلي على النار فيها معلقتين صلصه وملح وفلفل وبهارات وتصبيها على الوش وتزينيها بالبقدونس والكرفس لو عندك وتحطيها في الفرن لمدة نص ساعه والفراخ لمدة ساعه عشان تستوي كويس بتطلع جميلة جدا وبدون زيت وخفيفه اوي

5- بطاطس بالسوسيس في الفرن
اقطعي البطاطس نصفين وخليها تتسلق لمدة عشر دقايق بس وبعدين طلعيها واحفري في كل نصف حفرة بالسكينه صغيره واسلقي صباعين او ثلاث اصابع سوسيس وقطعيه حلقات وحطي في كل بطاطسايه قطعة سوسيس وبعدين تبلي البطاطس بالبصل والثوم والملح والفلفل ورصيهم في صينية وزينيها بالبقدونس وحطي شوية ميه في الصينيه ودخليها الفرن نص ساعه

6- صينية البطاطس المهروسه في الفرن
جيبي حبات البطاطس واسلقيها لحد ما تتهري واهرسيها بالشوكه وحطي عليه بيضتين وملح وفلفل وبقدونس وشبت وبهارات واهرسي الخليط كويس اوي وهاتي صينية ادهنيها بنفطتين زيت زيتون وحطي نص البطاطس فيها وافرديها وحطي طبقة تونه او سوسيس او فراخ مقطعه مسلوقه او بالصلصه وغطيها بالنص الثاني من البطاطس وعلى الوش افردي بيضه مكسورة مع حلقات فلفل ةزيتون وطماطم ودخليها الفرن نص ساعه
وبالهناء اتمنى تنال اعجابكم

تعليقات